March 09, 2021
Aron masiguro nga kanunayng limpyo ug luwas ang mga pagkaon nga baligya sa merkado sa lungsod sa Bantayan, usa ka food safety seminar gipahigayon alang sa mga manindahay og pagkaon sa Bantayan Public Market.
Mokabat og 28 ka mga tindera nipaubos sa training pinaagi sa dinapit nga mga trainer gikan sa Department of Science and Technology 7 (DOST 7).
Pipila sa gipasabot sa mga trainer ang ensaktong pamaagi sa pag-andam ug pagbaligya sa ilang mga tinda, luwas nga mga pamaagi sa paghikay sa pagkaon, paglikay sa mga sakit nga mahimong motapot sa pagkaon.
Ang programa giumol ni Mayor Arthur E. Despi ubos sa Bantayan Market Transformation Program pagsiguro nga di lang nindot nga tourist destinations ang anaa sa lungsod apan pagsiguro usab nga luwas sa sakit o hugaw ang mga turista ug mga bisita nga modangop sa lungsod. ....