Nigeria insecurity: States wey don declare curfew sake of insecurity and attacks by unknown gunmen for Nigeria
30 April 2021
Weapons wey police recover from suspected criminals
Di rate of insecurity for different parts of Nigeria don make state govnors begin take steps to manage di situation for dia individual states.
Unknown gunmen don carry out attacks for south eastern states and some parts of south south Nigeria, most of di attacks dey targeted at security agencies.
In di last three months; Police, Army, Navy, Civil Defence and even Customs don lose plenty personnel due to attacks by di unknown gunmen.
For Northern Nigeria Boko Haram insurgents, bandits, killer herdsmen and armed farmers dey commit plenty atrocities with persistent attacks especially against soft targets (women, children and students).