June 09, 2021
Gumikan kay nagsugod na man ang vaccine rollout nga matod pa maoy nay magtapos sa pandemiya sa Covid-19, daghan ang mga sugyot karon nga wagtangon na ang pipila ka mga health protocols. Usa niini nga dili na magsul-ob og face shield kay matod pa igo na nga panagang ang face mask. Daghang reklamo sa face shield kay ang uban dili kaayo makaklaro ug dili makaginhawa.
Bisan man gani ang medical experts nagkanayon nga dili maayo nga kanunay mag-face shield. Pag-face shield sa daghang tawo o close o sirado ang mga lugar kay ang atsing sa uban adto paingon nimo. Nauso man god ning face shield sa dihang niingon ang mga eksperto nga airborne o molupad sa hangin ang virus sa Covid-19. ....