SunStar
(Tampo sa Pinamungajan police) June 28, 2021 Gihakop sa tumang kahadlok ang usa ka ginang human makaplagi sa alas 11:50 sa buntag sa Dominggo, Hunyo 27, 2021, ang usa ka ulo sa tawo nga gibutang gawas sa iyang balay sa Barangay Pandacan, lungsod sa Pinamungajan, Sugbo.
Ang ulo nga wa pa matino kon iya ba sa lalake o babaye giputos sa usa ka blue nga shopping bag.
Human masayod ang tag-iya sa balay nga si Maria Luisa Lerida, minyo, negusyante, sa nakaplagang ulo, dali dayon niyang gipa-report sa kapulisan ang usa ka Michael Gepitulan, 66.
Ang ulo temporaryong gikustodiya sa caretaker ug kasamtangang gilubong sa sementeryong publiko sa lungsod samtang nagpadayon pa ang imbestigasyon sa kapulisan.
SunStar
+ March 01, 2021 KIDAPAWAN CITY Dugta ug nanimaho nang nakaplagan ang mga patay nga lawas sa mag-uyab human giingong nagtaban alas 4:00 sa hapon, Dominggo, Pebrero 28, 2021, didto sa Alamada, North Cotabato.
Giila ang mga biktima nga sila Jamil Mamarinta, 30, ug Princess Pama, giingong menor de edad, nga pulos molupyo sa Barangay Rangayen sa nahisgutang lungsod.
Gibutyag ni Alamada Chief of Police Major Sunny Leoncito nga mismo mga molupyo sa maong barangay ang nakadiskubre sa nangalisngaw na ang baho sa patay nga lawas sa mga biktima.
Apan hangtud sa pagsuwat ning balita, wala pa masuta sa mga opisyal sa barangay ug mga awtoridad ang hinungdan sa ilang kamatayon.