Ерөнхийлөгч У.Хүрэлсүх тангараг өргөлөө

2021-06-25 11:43:53
Улаанбаатар /МОНЦАМЭ/. Монгол Улсын Төрийн тэргүүнээр 6 жил ажиллах анхны Ерөнхийлөгч У.Хүрэлсүх тангараг өргөж, тангаргийн бичигт гарын үсэг зурлаа.
Ерөнхийлөгч, “Монгол Улсын тусгаар тогтнол, бүрэн эрхт байдал, ард түмнийхээ эрх чөлөө, үндэсний эв нэгдлийг эрхэмлэн хамгаалж, Үндсэн хуулийг дээдлэн сахиж, Ерөнхийлөгчийн үүргийг шударгаар биелүүлэхээ батлан тангараглая” хэмээн УИХ-д тангараг өргөж, Төрийн далбаанд мэхийн адис авсан юм.
Монгол Улсын Ерөнхийлөгчийг анх удаа 6 жилээр сонгох сонгуулийн санал хураалт энэ сарын 9-нд болсон бөгөөд МАН-аас нэр дэвшигч У.Хүрэлсүх 67.8 хувь буюу 823 326 иргэний санал авсан. Харин “Зөв хүн электорат” эвслээс нэр дэвшигч Д.Энхбат 20.3 хувь буюу 246 968 сонгогчийн санал, АН-аас нэр дэвшигч С.Эрдэнэ 6 хувь буюу 72 832 сонгогчийн санал авсан юм.
Үндсэн хуулийн дагуу Монгол Улсын Ерөнхийлөгч сонгогдсоноосоо хойш 30 хоногийн дотор УИХ-д тангараг өргөх ёстой бөгөөд тангараг өргөх товыг УИХ тогтоодог. Энэ дагуу УИХ сонгуулийн дүнгээр олонхын санал авсан У.Хүрэлсүхийг өнөөдөр 11.40 цагт тангараг өргөж буй юм. Түүнд 2017-2021 онд Монгол Улсын Ерөнхийлөгчөөр ажилласан Х.Баттулга Төрийн тэргүүний тамга гардууллаа.
Ерөнхийлөгч У.Хүрэлсүх ард түмэндээ хандаж үг хэлж байна. Түүний хэлсэн үгийг бүрэн эхээр нь хүргэх болно.
Тангараг өргөх ёслолд Монгол Улсын Ерөнхийлөгчөөр ажиллаж байсан П.Очирбат, Н.Багабанди, Н.Энхбаяр, Ц.Элбэгдорж, Х.Баттулга нар, УИХ, Засгийн газрын гишүүд, Үндсэн хуулийн цэц, Улсын дээд шүүхийн удирдлагууд, Монгол Улс дахь Дипломат төлөөлөгчийн газрын удирдлагууд оролцож байна.
У.Хүрэлсүхийн намтар:
1991-1994 онд МАХН-ын Төв Хороо, улс төрийн ажилтан
1994-1996 онд УИХ дахь МАХН-ын бүлгийн ажлын алба, зөвлөх
1996-1997 онд МАХН-ын Залуучууд хөгжил төв, ерөнхий захирал
1997-1999 онд Монголын Ардчилсан Социалист Залуучуудын Холбоо, ерөнхийлөгч
1999-2000 онд УИХ дахь МАХН-ын бүлгийн ажлын алба, нийгмийн бодлогын зөвлөх
2000-2005 онд Монголын Ардчилсан Социалист Залуучуудын Холбоо, ерөнхийлөгч
2000-2007 онд МАХН-ын Удирдах зөвлөл, УЗ-ийн гишүүн
2000-2004 онд Монгол Улсын Их Хурлын гишүүн
2004-2008 онд Монгол Улсын Их Хурлын гишүүн
2004-2006 онд Монгол Улсын Засгийн газрын гишүүн, Онцгой байдлын асуудал эрхэлсэн Монгол Улсын сайд
2006-2008 онд Монгол Улсын Засгийн газрын гишүүн, Мэргэжлийн хяналтын асуудал эрхэлсэн Монгол Улсын сайд
2007 оноос Монголын Зүүний Хүчний Холбоо, ерөнхийлөгч
2008-2012 онд Монгол Ардын Нам, Ерөнхий нарийн бичгийн дарга
2012-2013 онд Монгол Улсын Их Хурлын гишүүн
2014-2015 онд Монгол Улсын Засгийн газрын гишүүн, Монгол Улсын Шадар сайд
2016-2017 онд Монгол Улсын Засгийн газрын гишүүн, Монгол Улсын Шадар сайд
2017-2021 оны нэгдүгээр сар хүртэл Монгол Улсын Ерөнхий сайд
2017 оноос Монгол Ардын Намын дарга
2020 оноос Монгол Улсын Их Хурлын гишүүн
2021 оноос Монгол Улсын Ерөнхийлөгч

Related Keywords

Mongolia ,Mongolian , ,City February School ,Law Court ,English Democratic Socialist Youth Union ,Diplomatic Mission ,Mongolian State High School Jurisprudence ,Mongolian Folk Party Boss ,English Folk Army ,Parliament Oath ,Center Committee ,English Left Power Union ,Hurelsukh Oath ,Mongolian State The First ,Mongolian State ,Base Law ,Mongolian State President ,Base Law Court ,Mongolian Country ,Political Scientist Professional Work ,Mongolian State High Conference ,Mongolian State The Government ,Emergency Issue ,Mongolian State Prime Minister ,Mongolian Folk Low ,Mongolian State Deputy Prime Minister ,Mongolian State General Prime Minister ,Мэдээ ,Ongol News ,News ,Ews Of Mongolia ,Politics ,Ongolian News ,மங்கோலியா ,மங்கோலியன் ,சட்டம் நீதிமன்றம் ,இராஜதந்திர பணி ,மையம் குழு ,மங்கோலியன் நிலை ,அடித்தளம் சட்டம் ,மங்கோலியன் நாடு ,எவ்ஸ் ,