चीनबाट अर्को साता ल्याईने खोप प्राथमिकता हेरेर प्रदान गरिने
शेयर गर्नुहोस: विष्णु पाण्डेय काठमाडौं, असार १९ गते । आगामी साता चीनबाट नेपाल आयात हुने १० लाख डोज प्राथमिकताको पहिचान गरेर मात्र दिइने जनाइएकाे छ । स्वास्थ्य सेवा विभागका खोप शाखा प्रमुख डा. झलक गौतमले आगामी साता चीनबाट नेपाल आउने खोप प्राथमिकता पहिचान गरेर मात्र दिइने बताउनुभयाे । अहिले धेरै संघसस्था, वैदेशिक रोजगारीमा जानेहरुले खोपको माग गरिरहेको अवस्थामा अध्ययन गरेर मात्र दिइने उहाँको भनाइ छ । “जुन हाम्रो राष्ट्रिय खोप कार्यान्वयन योजना छ, यसलाई आधार मानेर अगाडि बढ्नेछौ, केही आवश्यकता र जोखिमको आधार हेरेर पनि केही निर्णय गर्न सन्छौँ” उहाँले भन्नुभयो । ६० देखि माथि उमेरसमूहका धेरै नागरिकले खोप लगाइसकेका कारण बाँकी रहेकालाई पनि खोपको सुनिश्चितता गर्दै नयाँ उमेर समूहमा जान सकिने उहाँको भनाइ छ । यसअघिको खोप कार्यक्रममा ६० देखि ६४ वर्ष उमेर समूहकालाई खोप दिने सरकारको निर्णय भए पनि पछि संशाेधित गरेर ६२ देखि ६४ वर्ष उमेर समूहकालाई प्रदान गरिएको थियो । अहिले यातायात व्यावसायी, पेट्रोलपम्प सञ्चालक, चलचित्रकर्मीहरुले पनि आफूहरुलाई खोप दिनको लागि सरकारसँग आग्रह गरिरहेका छन् । यो समाचार पढेर तपाईलाई कस्तो लाग्यो? यो पनि हेर्नुहोस्