Gæsluvöllurinn Strönd. Ljósmynd/Vestmannaeyjabær Á morgun, mánudaginn 12. júlí opnar gæsluvöllurinn Strönd v/Miðstræti. Gæsluvöllurinn verður starfræktur 12.-29. júlí. Opnunartíminn er kl. 13:00-16:00 alla virka daga og að auki frá 9:00-12:00 dagana 26.-29. júlí, að því er segir í frétt frá fræðslufulltrúa á vef Vestmannaeyjabæjar. Gæsluvöllurinn er ætlaður börnum á aldrinum 20 mánaða til 6 ára en þar geta þau leikið sér með öðrum börnum í öruggu umhverfi. Börnin borða nesti sem þau koma með sjálf.