ఆరోగ్యాన్నిచ్చే ఆల్‌బుకారా! పోషకాలమ్‌ ఎర్రటి రంగులో యాపిల్‌లా... ఆకారంలో టొమాటోలా ఉంటూ బోలెడన్నీ పోషకాలుండే ఆల్‌బుకారా పండు అందించే ఆరోగ్య ప్రయోజనాలేంటో తెలుసుకుందామా... * కొంచెం వగరుగా, మరికొంచెం పుల్లగా ఉండే ఆల్‌బుకారా పండ్లంటే అందరికీ ఇష్టమే. జ్వరం వచ్చి నోటికి ఏది రుచించని సమయంలో ఈ పండు తింటే ఆకలి పెరుగుతుందని చెబుతారు. దీంట్లో యాంటీఆక్సిడెంట్లు పుష్కలంగా ఉంటాయి. అలాగే విటమిన్‌-సి కూడా ఎక్కువగానే ఉంటుంది. కాబట్టి దీన్ని తింటే రోగనిరోధక శక్తి పెరుగుతుంది. ఇది అలసటను తగ్గిస్తుంది. నీరసాన్ని దరి చేరనివ్వదు. దాంతో ఇన్‌ఫెక్షన్లు, అల్సర్లు తలెత్తవు. * ఇందులోని విటమిన్‌-ఎ దంతక్షయం రాకుండా రక్షిస్తుంది. ఈ పండులోని పొటాషియం గుండె ఆరోగ్యాన్ని కాపాడుతుంది. * రక్తప్రసరణను క్రమబద్ధీకరించడంతోపాటు, ఎర్ర రక్తకణాల పెరుగుదలకూ సాయపడుతుంది. * ఆస్తమా, ఆర్థ్రరైటిస్‌, ఆస్టియోపోరోసిస్‌, గుండె జబ్బులకు చెక్‌ పెడుతుంది. * ఈ పండులోని కొన్ని సమ్మేళనాలు జీర్ణశక్తిని క్రమబద్ధీకరిస్తాయి. * దీన్ని తరచూ తీసుకున్న వారిలో మలబద్ధకం సమస్య ఉత్పన్నం కాదు. * ఇది రక్తంలో చక్కెర స్థాయులను నియంత్రిస్తుంది. కాబట్టి మధుమేహులూ తినొచ్చు. * వీటిని తింటే ఎముకలు పటిష్టమవుతాయి. వీటిలో పీచూ, మెగ్నీషియం, ఫోలిక్‌ ఆమ్లం, క్యాల్షియం పుష్కలంగా ఉంటాయి. * ఈ పండ్లు శరీరంలోని మలినాలు బయటకు వెళ్లేలా చేస్తాయి. * వీటిలోని యాంటీఆక్సిడెంట్లు, యాంటీఇన్‌ఫ్లమేటరీ సమ్మేళనాలు జీవక్రియలతోపాటు రక్తప్రసరణనూ సాఫీగా సాగేలా చేస్తాయి. * రక్తహీనతను తగ్గించి రక్తవృద్ధికి తోడ్పడతాయి. * ఈ పండ్లలోని పొటాషియం శరీర కణాలకు మేలు చేస్తుంది. గుండెపోటు, రక్తపోటును నియంత్రిస్తుంది. Tags :