Պրոթեզավորում և օրթեզավորում կիրականացվի նաև «Օրթեզ» պրոթեզավորման և օրթեզավորման կենտրոնում 30/07/2021 Կենտրոնի նոր շենքի բացման արարողությանը մասնակցել է նաև ԱՍՀ նախարարի տեղակալ Տաթևիկ Ստեփանյանը։ Շնորհավորելով ներկաներին կենտրոնի բացման առթիվ՝ նախարարի տեղակալը վերահաստատել է, որ հաշմանդամություն ունեցող անձանց հիմնահարցերի ոլորտում գերակա առաջնահերթություններից մեկը շարունակում է մնալ աջակցող միջոցների ճիշտ ու պատշաճ տրամադրումն այն քաղաքացիներին, որոնք ունեն դրա կարիքը․ «Աշխատանքի և սոցիալական հարցերի նախարարությունը՝ որպես լիազոր մարմին, որը պատասխանատու է հաշմանդամություն ունեցող անձանց սոցիալական ներառման համար, շարունակում է անել ամենը՝ շահառուներին ճիշտ ֆունկցիոնալություն ունեցող աջակցող միջոցներով ապահովելու ուղղությամբ։ Մենք հավատարիմ ենք մեր ուղենիշին, այն է՝ բարելավել հաշմանդամություն ունեցող անձանց մատուցվող ծառայությունների որակը, կենսապայմանները, ապահովել նրանց լիարժեք ներառականությունը»,- նշել է Տ․ Ստեփանյանը։ Բացման արարողությունից հետո ներկաները շրջել են կենտրոնի տարածքում, ծանոթացել շենքային պայմաններին, մատուցվող ծառայություններին։ Տպել Մեր մասին armtimes.com-ը «Հայկական ժամանակ» օրաթերթի կայքն է, որում տեղ են գտնում ոչ միայն «ՀԺ»-ի հրապարակումները, այլեւ՝ անընդհատ թարմացվող տեղեկատվություններ: «ՀԺ»-ն վերաբացվել է Նիկոլ Փաշինյանի ջանքերով, 1999թ. եւ գրեթե երկու տասնամյակ համարվում է ՀՀ առաջատար լրագրերից մեկը` իր տպաքանակով գերազանցելով մյուս բոլոր օրաթերթերին: Սոց. ցանցեր