Երիտասարդ աստղագետների միջազգային դպրոցը կբացվի 4-րդ անգամ

19:24, 10 Սեպտեմբեր, 2012
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Բյուրականի աստղադիտարանում սեպտեմբերի 15-23-ին կկազմակերպվի երիտասարդ աստղագետների միջազգային դպրոց, որը բյուրականյան ամառային դպրոցների շարքում արդեն 4-րդն է: Դպրոցի պաշտոնական բացումը տեղի կունենա երկուշաբթի` սեպտեմբերի 17-ին: Ինչպես «Արմենպրես»-ին տեղեկացրեցեց Բյուրականի աստղադիտարանի առաջատար գիտաշխատող Արեգ Միքայելյանը, այս անգամ դպրոցն անցկացվում է Անանիա Շիրակացու 1400-ամյակին նվիրված միջոցառումների շրջանակներում: Մասնակիցների թվում են շուրջ 35 երիտասարդ աստղագետներ եւ ուսանողներ Ռուսաստանից, Ուկրաինայից, Լեհաստանից, Եգիպտոսից, Իրանից, Հայաստանից եւ այլ երկրներից:
Դպրոցին դասախոսություններ եւ գործնական պարապմունքներ անցկացնելու համար հրավիրված են այնպիսի նշանավոր աստղագետներ, ինչպիսիք են հնդիկ նշանավոր տիեզերաբան Ջայանթ Նարլիկարը, ԱՄՆ Կոռնելի համալսարանի պրոֆեսորներ Երվանդ Թերզյանը եւ Ռիչարդ Լովելասը, Վիկտոր Համբարձումյանի անվ. միջազգային մրցանակի 2010թ. հաղթող Գարիկ Իսրայելյանը (Իսպանիա) եւ այս տարվա հաղթողներ Յան Էյնաստոն (Էստոնիա) ու Իգոր Նովիկովը (Ռուսաստան), ֆրանսահայ աստղագետ Ժորժ Ալեսյանը, իտալացի աստղագետ Կորին Ռոսին եւ այլոք: Միքայելյանի խոսքով` դասախոսվող եւ քննարկվող թեմաներն են լինելու ցամաքային եւ տիեզերական աստղադիտակները եւ դիտողական տեխնիկան, համակարգիչները եւ տվյալների մշակման համակարգերը աստղագիտության մեջ, աստղագիտական կատալոգները, շրջահայությունները, տվյալների շտեմարանները եւ վիրտուալ աստղադիտարանները, զանազան եղանակներով մոլորակների, աստղերի, միգամածությունների եւ գալակտիկաների ուսումնասիրությունները, տիեզերաբանությունը, արտարեգակնային մոլորակները, պատմա-աստղագիտությունը եւ աստղագիտական ժառանգությունը: Դասախոսություններից եւ գործնական պարապմունքներից բացի մասնակիցների համար կկազմակերպվեն դիտումներ եւ դրանց արդյունքների մշակում, ծանոթություն աստղադիտարանի աշխատանքներին եւ շրջագայություններ Հայաստանում:
Դպրոցի մասնակիցները հնարավորություն կունենան նաեւ մասնակցելու Վիկտոր Համբարձումյանի անվան միջազգային մրցանակի հանձնման սեպտեմբերի 18-ին կայանալիք արարողությանը եւ «Աստղագիտական ժառանգությունը ազգային մշակույթում» թեմայով սեպտեմբերի 25-28-ին կայանալիք միջազգային պատմա-աստղագիտական գիտաժողովին, որը նվիրված կլինի ինչպես Շիրակացու աստղագիտական ժառանգությանը, այնպես էլ Հայաստանում աստղագիտական արժեք ներկայացնող նյութական եւ ոչ նյութական հուշարձանների ուսումնասիրությանը:
Բյուրականյան միջազգային ամառային դպրոցների շարքը սկսվել է 2006թ-ին եւ անցկացվում է երկու տարին մեկ անգամ: Նախորդ դպրոցներին (2006, 2008, 2010 թթ.) մասնակցել են 21 երկրների 100-ից ավելի ուսանողներ:

Related Keywords

Egypt ,Armenia ,Iran ,Italy ,Russia ,Poland ,France ,Spain ,Yerevan ,Ukraine ,Ananya Lycee ,Victor Ambartsumian ,Victor Ambartsumian International ,Young ,Us University ,Colossal Observatory September ,Colossal Observatory ,Areg Candidate ,Note Observatory ,Tours Armenia ,எகிப்து ,ஆர்மீனியா ,இரண் ,இத்தாலி ,ரஷ்யா ,போல்யாஂட் ,பிரான்ஸ் ,ஸ்பெயின் ,யெரவன் ,உக்ரைன் ,இளம் ,எங்களுக்கு பல்கலைக்கழகம் ,