Latest Nigeria news on [Kagara abduction] Niger State: Ahmad Gumi meet bandits, want blanket amnesty afta students abduction
19 February 2021
Wia dis foto come from, Other
Kaduna based Islamic Scholar, Sheik Ahmad Gumi don ask di Federal Government to give blanket amnesty alias forgiveness to armed bandits and herdsmen wey dey cause kasala nowadays like dem do for Niger Delta militants before-before.
Sheik Gumi give di recommendation as e dey yarn wit tori pipo for Niger state government house, Minna on Friday Morning after a closed door meeting with Governor, Abubakar Sani Bello.
Gumi say if dem give di bandits amnesty and if any of dem kontinu, den dem go punish di pesin.