SunStar
+ February 06, 2021 GIAPROBAHAN sa Konseho sa Dakbayan sa Lapu-Lapu ang resolusyon ni Konsehal Rico Amores kalabot sa pag-awhag sa Energy Regulatory Board (ERB) sa paghimo og lakang nga masolusyonan ang suliran sa kuryente sa isla sa Olango.
Matod ni Amores nga dismayado ang mga Oponganon sa isla sa Olango sa serbisyo nga gihatag sa Mactan Electric Company (Meco) hinungdan nga siya nisang-at sa resolusyon.
Adunay 5,401 ka mga Oponganon nga taga isla ang mipirma sa signature campaign nga nagbutyag sa ilang pagkasagmuyo sa serbisyo sa kuryente sa isla, matod sa konsehal.
Sumala sa konsehal nga kada adlaw masinati ang brownout sa isla nga molanat og usa ngadto sa duha ka oras ka usa o kaduha sa usa ka adlaw.