Ujerumani: Vifo kutokana na mafuriko vyapindukia watu 140
Vifo vinazidi kuongezeka wakati Ujerumani ikitafakari uharibifu uliosababishwa na mafuriko. Rais wa Ujerumani Frank-Walter Steinmeier awatembelea waathiriwa wa mafuriko.
Rais wa Ujerumani Frank-Walter Steinmeier, ametembelea jimbo la North Rhine-Westphalia ambalo limeathirika zaidi na mafuriko. Steinmeier alionekana ni mwenye majonzi alisema anaomboleza pamoja na waliopoteza ndugu au marafiki. Amesema masaibu yaliyowafika familia hizo yamewavunja moyo wajerumani.
Steinmeier amesema baada ya mkutano na waokoaji katika mji wa Erftstadt kwamba watu wengi wamepoteza kila kitu walichokuwa nacho kwenye maisha yao kama mali zao na nyumba zao na vitu vingine vingi.
Wanajeshi wakishughulikia athari za mafuriko katika mji wa Erftstadt