Ráðherrar grilla kótelettur ofan í landsmenn Bjarni Benediktsson og Sigurður Ingi Jóhannsson eru meðal þeirra sem ætla að standa við grillið á Kótilettunni. mbl.is/Kristinn Magnússon og Árni Sæberg
Ráðherrar og þingmenn munu standa vaktina við grillið á Kótelettunni í ár.
Sigurður Ingi Jóhannsson samgöngu- og sveitarstjórnarráðherra og Bjarni Benediktsson fjármálaráðherra, ásamt Þorgerði Katrínu Gunnarsdóttir, Oddnýju Harðardóttur og Guðna Ágústssyni, verða sérstakir aðstoðargrillarar á hátíðinni og sjá gestum fyrir kótelettum.
Kótelettan er fjölskyldu- og tónlistarhátíð sem fer fram á Selfossi um helgina. Hún er nú haldin í ellefta skiptið.