Eugene Arhin biography: Ghana president communication director speak about im divorce - See what you need to know about him
12 February 2021
Wia dis foto come from, Facebook/@Eugene Arhin
Ghana President Nana Akufo-Addo Communications Director, Eugene Arhin don clear air on top im divorce mata wey dey go round for social media.
Oga Arhin for im Facebook page para say im neva even see di divorce suit im wife file against am before di suit leak for social media.
Dis na afta tori begin fly upandan say Arhin wife, Gloria Arhin bin file for divorce for di Matrimonial Division of di High Court Accra on February 10.