攬炒派劣行錄｜糧支大過天　攬炒嗌走先 - 香港

阿婆走得快，一定有古怪。之前有風聲指區議員宣誓在即，大批攬炒派區議員即心虛跳船，引發辭職潮。當中，都有一啲攬炒派講明自己為咗「糧支」，所以有糧出就做，冇糧出加上隨時可能會破產就即刻快快腳走人，講緊邊個﹖油尖旺陳梓維同余德寶就係首屈一指嘅「糧支」議員。
（香港文匯報記者 鄭治祖）阿婆走得快，一定有古怪。之前有風聲指區議員宣誓在即，大批攬炒派區議員即心虛跳船，引發辭職潮。當中，都有一啲攬炒派講明自己為咗「糧支」，所以有糧出就做，冇糧出加上隨時可能會破產就即刻快快腳走人，講緊邊個？油尖旺陳梓維同余德寶就係首屈一指嘅「糧支」議員。面對呢種情況，連「熱狗」陳到同作家陳雲海都忍唔住發文怒斥佢哋，話從來服務市民係唔需要「區議員」呢個銜頭，更認為「食政治飯的人，你不向他們追究政治責任……這是腦筋出了問題」。
自上任以嚟一直被質疑工作能力嘅陳梓維，之前喺3月份口口聲聲稱自己會選擇宣誓留任，結果近日可能見勢色唔對路，7月頭突然轉口風，話決定提早遣散職員，到噚日更發文跟風辭職。
不過，佢又真係好好笑，先係話唔識點打臨別贈言，之後就聲稱佢唔係離棄大家，只不過係當權者「用盡任何方法威迫議員辭職」，更扮晒嘢咁話「如果當權者用追討一百萬薪津威迫辭職，我想講，你永遠都得不到民心。」咁睇法，佢真係好在乎份糧喎，去留完全係視乎「糧支」。
民建聯立法會議員陳克勤隨即發帖恥笑陳梓維，話「惟惟（陳梓維）辭任區議員對當區市民影響應該有限，因為之前有居民求助，佢都係搵民建聯幫手，所以有事都係要搵民建聯。」真係正中痛處呀。網民「東尼史達」亦話：「佢真係賺足一年，而家拍拍籮柚就走，有嘢又識得pass（傳）畀對家做，我夠膽話全部泛民甚至黑暴冇一個夠佢叻！佢先係人生贏家！」
余厚顏乞街坊錢執手尾
事實上，剛辭職嘅油尖旺區議會前副主席、公民黨前執委余德寶日前亦喺自己facebook發帖，以「街坊集氣五萬元 結束辦事處開支」為題，話自己「有困難」，「希望可以請街坊集氣五萬元」，資助「結束辦事處開支」，以議辦停運為由搞眾籌，實行想將個錢字刻喺額頭上。
面對一班攬炒派虛偽嘅辭職，「熱狗」陳到譏諷：「當初信誓旦旦，要贏回區議會，然後什麼什麼的政治人，現在在哪裏呢？」佢又話：「我見到那些辭職表白，樓下一句句多謝，一句句體諒。但藝人稍為『不夠黃』就被聲討，被迫表態。」認為「食政治飯的人，你不向他們追究政治責任。但食娛樂飯的人，你就問他們的政治責任。這是腦筋出了問題。」
陳雲海更加怒斥只會為「糧支」嘅攬炒派區議員。佢用自己過去三十年嘅經驗指：「縱使我冇參政過，唔代表唔可以服務地區市民……我從來都搵唔到任何一個藉口去唔處理我想處理嘅問題，但竟然見到一個二個啱啱先辭職嘅區議員，裝扮到好似已經服務唔到市民一樣，我開始有啲嘔（噁）心！」並提醒從來服務市民係唔需要「區議員」呢個銜頭。他最後再鬧多一次：「依家更加冇呢個包袱可以盡情跨區幫全港市民處理地區問題、政策問題等等！可唔可以唔好俾（畀）自己一個咁大嘅政治藉口呢？」
不過，要求「糧支」議員唔為「糧支」，真係好難喎。
陳嘉琳宣布辭職，自認是「敗給了恐懼」。 fb截圖
再多7區員跳船 藉口花樣百出
正所謂走得快好世界，一班攬炒派區議員聽聞將要開始宣誓嘅風聲就雞咁腳辭職，所謂嘅「無畏無懼」、服務市民都變成一堆廢話。單喺噚日，就已經有成最少7名攬炒派區議員辭職，並用盡所有藉口嚟掩飾佢哋嘅心虛，包括乜嘢「敗給了恐懼」、「區議會受到政府多方面阻礙」、「考慮了個人、服務處職員及家庭的安全和整體局勢」云云。不過，市民一早就睇穿佢哋嘅把戲，譏諷佢哋「原來無畏無懼，只係口號」，並認為雨過天晴，「小丑戲終於落幕了。」
西貢區方面，何偉航同陳嘉琳噚日都宣布辭職。何偉航稱「面對日益下況的政治環境，疫情下不斷收窄公民權利，種種變化都令人十分鬱悶及嘆息，空間已經寥寥無幾。」而之前一直都拒絕辭職嘅陳嘉琳就直接一啲，稱自己「敗給了恐懼」，同時又話冇咗公帑支持嘅議辦將會轉型繼續「支援牆內『手足』、支持地區黃色經濟圈」云云。
不過，網民就笑佢老作。「Bas Siu」問：「敗給恐懼？就割，難為年輕『手足』坐監、逃亡、失業……，根本就係怕坐監。」「Lee Ken」譏諷：「原來無畏無懼，只係口號。」結果陳嘉琳回應指「同學如果你有留心，其實我係淆底獸，成日乜都驚。」果然喺自身利益面前，乜嘢「理念」都係假。
東區古桂耀就稱「今屆區議會受到政府多方面阻礙！開會不派部門代表出席……同時近日政治氣氛變成很差」，所以決定辭職喎。
觀塘區龔振祺只係道歉，然後表示辭任後會回到以前嘅專業繼續發展，相信區政服務將暫時畫上句號，直到適當時候，又稱「相信我們之後『換個時代再一起』」，將心虛同反悔呢兩個詞表露無遺。
沙田區嘅許銳宇就話自己已於7月9日卸任議席，並誇張到稱「辭職，就像自我了結，親手將這部份（分）生命埋葬」，即係話佢寧願死都要辭職啦。
巫堃泰晒「文青句」煽情卸膊
屯門區巫堃泰換一種風格，稱「在這個美麗新香港，究竟還能不能容得下我這種議政風格的區議員？」結論係「思索良久，考慮了個人、服務處職員及家庭的安全和整體局勢，實在沒有辦法在安全的情況下，繼續服務」，所以服務處亦即時暫停對外開放。
就算佢哋嘅語言偽術有幾「感人」，市民都一早睇穿佢哋嘅把戲。「Eddie Chung」話：「呢次醒呀，個個自知身有屎。」「Joe Wong」認為佢哋：「死雞撑（飯蓋）」。「Fun Fun Lok」表示今時今日呢種服務態度係唔得㗎：「打工心態的區議員，已完！」
其實，成件事就好似網民「Frankly Lai」話齋：「小丑戲終於落幕了。」
民記揭丁仕元疑舉家移英
丁仕元5月喺fb貼文話，自己早喺小學四年級起已經參與「愛國民主運動」，喺政治制度嘅「改變」下，「已經不能暢所欲言地為香港市民服務及發聲。」為咗「唔想家人終日活在惶恐之中」，所以佢「無奈」辭任區議員，並喺6月1日正式生效。
唔知係咪怕即使辭職都要俾人清算，民建聯沙田支部日前踢爆丁仕元疑似已經舉家移民英國。民建聯沙田支部話，丁仕元係少數與建制派有偈傾嘅反對派議員，雖然對丁仕元服務社區嘅水平不敢恭維，但也不得不承認他是一名有眼光與能力嘅從政者等。
民建聯沙田支部又話，丁仕元早於今年5月已經辭任區議員，當時大家都知道他搞緊移民。就此，民建聯沙田支部對丁仕元嘅決定表示尊重，惟相信丁仕元到外國生活先會知道祖國嘅可貴，並希望丁仕元唔好忘記自己黃皮膚黑眼睛嘅基因，再回首時以一個全新嘅角度認識自己嘅祖國與香港。
香港文匯報記者噚日就此事致電丁仕元，不過未獲接聽，並喺留下口訊後到截稿前都未獲回覆。
離職續謀擾社區 政界籲市民警惕
林兆彬前日在其facebook發文，聲稱「一切冇篩選又可以有尊嚴地參選嘅選舉，都要參加」，並舉例指校友會、學生會等選舉，「無論權力幾細，都可以保持『民主派/開明派』喺體制內一定程度嘅話語權。」他其後又貼出自己接受傳媒訪問的報道，內容提到自己積極考慮參選中大校友評議會選舉。
民建聯立法會議員葛珮帆表示，一直有留意攬炒分子不斷浸透業主立案法團、互委會等組織，今次帖文證明了攬炒派仍然死心不息，千方百計企圖搞亂香港，更欲借業主立案法團、互委會等資源，延續攬炒派影響力。她呼籲公眾加強關心周邊的事物，一旦發現攬炒派借不同組織搞事，應立即舉報。
立法會體育、演藝、文化及出版界議員馬逢國表示，若攬炒派真心真意服務街坊，搞好社會，當然歡迎，但企圖借某些組織之名，但實際卻是攬炒、破壞社會，必定要承擔法律責任，尤其香港國安法已經落實，有關人等不能再抱僥倖心態。他指，市民也應密切關注，適時作出舉報。
立法會旅遊界議員姚思榮表示，如有人利用某些組織宣揚不法意識，特區政府不能客氣，必須嚴正執法。同時，建制派也要積極做好維護社區的工作，大家齊心合力，拒絕攬炒派再破壞社會。
責任編輯：
宋得書

Related Keywords

China ,Tuen Mun ,Hong Kong General ,Hong Kong ,Shatin ,United Kingdom ,Across Hong Kong ,Yao Si Rong ,Yun Sea ,Ka Lin ,Chen Jia Lin ,Hong Kong Wenhui ,Council Members ,Democratic National Construction Association ,Council Sports Performing Arts ,Democratic National Construction Association Branch ,District Council ,School Members ,United Kingdom Democratic National Construction Association Branch ,Service Region ,District Council Office ,Institution School ,District Council Rapporteur ,Democratic National Construction Association Union ,School Members Service Agency ,School District Council ,Die Service ,Pan China ,Yau Tsim Mong District ,Eastern Old ,Englishb Revised ,Sha Tin Members ,United Kingdom Canal ,National Construction Association Branch ,Yau Tsim Mong District Members ,Legislative Council Members ,Post Text ,Report Forest ,Report Legislative Council Sports Performing Arts ,Report Legislative Council ,Members Yao Si Rong ,சீனா ,துஎன் முன் ,ஹாங் காங் ,ஷாத்ின் ,ஒன்றுபட்டது கிஂக்டம் ,குறுக்கு ஹாங் காங் ,சபை உறுப்பினர்கள் ,மாவட்டம் சபை ,பள்ளி உறுப்பினர்கள் ,சேவை பகுதி ,மாவட்டம் சபை அலுவலகம் ,பள்ளி மாவட்டம் சபை ,யா ட்ஸீம் மோங் மாவட்டம் ,சட்டமன்றம் சபை உறுப்பினர்கள் ,போஸ்ட் உரை ,