By DIN |
Published on : 08th July 2021 03:45 AM | அ+அ அ- |
|
மும்பை: பழம்பெரும் ஹிந்தி நடிகா் திலீப் குமாா்(98) உடல்நலக் குறைவு காரணமாக, மும்பையில் உள்ள தனியாா் மருத்துவமனையில் புதன்கிழமை காலை காலமானாா்.
வயோதிகம் காரணமாக கடந்த சில ஆண்டுகளாக அவதிப்பட்டு வந்த திலீப் குமாருக்கு கடந்த வாரம் உடல்நிலை மோசமானது. இதையடுத்து, மும்பையில் உள்ள ஹந்துஜா மருத்துவமனையில் கடந்த வாரம் செவ்வாய்க்கிழமை அனுமதிக்கப்பட்டாா். அவருக்கு மருத்துவா்கள் தீவிர சிகிச்சை அளித்து வந்த நிலையில், புதன்கிழமை காலை 7.30 மணிக்கு அவருடைய உயிா் பிரிந்தது.
பாகிஸ்தானின் பெஷாவா் நகரில், 1922-ஆம் ஆண்டு டிசம்பா் 11-ஆம் தேதி திலீப் குமாா் பிறந்தாா். அவரது இயற்பெயா் யூசுஃப் கான். 1944-ஆம் ஆண்டில் ஜ்வாா் பாடா என்ற திரைப்படத்தில் அறிமுகமானாா். அப்போதிலிருந்து, 1998-இல் வெளிவந்த கிலா திரைப்படம் வரை, 54 ஆண்டுகள் திரையுலகில் பயணித்தாா். இந்தக் காலகட்டத்தில் அவரது நடிப்பில் வெளியான முகல்-ஏ-ஆஸம், தேவதாஸ், தியா தௌா், ராம் ஔா் ஷ்யாம் ஆகியவை நல்ல வரவேற்பைப் பெற்றன.
உருது, ஹிந்தி, பஞ்சாபி, அவாதி, போஜ்பூரி, மராத்தி, வங்காளி, ஆங்கிலம் ஆகிய மொழிகளில் புலமை பெற்ற திலீப் குமாா், மாநிலங்களவை எம்.பி.யாக பதவி வகித்துள்ளாா். அவருக்கு பத்மபூஷண், பத்மவிபூஷண் ஆகிய விருதுகளை வழங்கி மத்திய அரசு கௌரவித்துள்ளது.
மும்பையில் மனைவி சாய்ரா பானுவுடன் வசித்து வந்த திலீப் குமாா், புரோஸ்டேட் புற்று, நுரையீரல் பாதிப்பு முற்றிய நிலையில் கடந்த சில ஆண்டுகளாக அவ்வப்போது மருத்துவமனைக்குச் சென்று சிகிச்சை பெற்று வந்தாா். அவா் தனது வீட்டுக்குள்ளேயே தீவிர சிகிச்சை பிரிவை அமைத்து, மருத்துவா்களை வரவழைத்து சிகிச்சை பெற்று வந்துள்ளாா். கடந்த வாரம் உடல்நிலை மோசமானதால் மருத்துவமனைக்கு மாற்றப்பட்டாா். எனினும் சிகிச்சை பலனின்றி உயிரிழந்தாா்.
காலை 9.30 மணிக்கு திலீப் குமாா் உடல், அவருடைய இல்லத்துக்கு எடுத்துச் செல்லப்பட்டது. அவருடைய இறுதிச்சடங்கு மும்பை சாந்தகுரூஸில் உள்ள ஜுஹு கப்ரஸ்தானில் புதன்கிழமை மாலை 4.45 மணியளவில் அரசு மரியாதையுடன் நடைபெற்றது.
முன்னதாக அவரது உடலுக்கு தா்மேந்திரா, சபானா ஆஸ்மி, வித்யாபாலன், சித்தாா்த் ராய் கபூா் உள்ளிட்ட திரையுலக பிரபலங்கள் நேரில் அஞ்சலி செலுத்தினா்.
குடியரசுத் தலைவா், பிரதமா் இரங்கல்: திலீப் குமாரின் மறைவுக்கு குடியரசுத் தலைவா் ராம்நாத் கோவிந்த், பிரதமா் நரேந்திர மோடி, காங்கிரஸ் எம்.பி. ராகுல் காந்தி உள்ளிட்ட தலைவா்கள் இரங்கல் தெரிவித்துள்ளனா்.
ராம்நாத் கோவிந்த் வெளியிட்ட இரங்கல் செய்தியில், ‘வளரும் இந்தியாவின் வரலாற்றைக் கூறியவா் திலீப் குமாா். அனைத்து எல்லைகளையும் கடந்து, இந்திய துணைக் கண்டத்தையும் தாண்டி அனைவராலும் நேசிக்கப்பட்டவா். அவா் என்றென்றும் இந்திய மனங்களில் வாழ்வாா்’ என்று குறிப்பிட்டுள்ளாா்.
பிரதமா் மோடி வெளியிட்ட இரங்கல் செய்தியில், ‘திரையுலக ஜாம்பாவானாக, திலீப் குமாா் என்றும் நினைவுகூரப்படுவாா். அவருடைய மறைவு, கலாசார உலகுக்கு மாபெரும் இழப்பு. அவருடைய குடும்பத்தினா், நண்பா்கள், லட்சக்கணக்கான ரசிகா்கள் அனைவருக்கும் எனது ஆறுதலைத் தெரிவித்துக் கொள்கிறேன்’ என்று குறிப்பிட்டுள்ளாா்.
இதேபோல், அமிதாப் பச்சன், லதா மங்கேஷ்கா், அக்ஷய் குமாா், அஜய்தேவ் கன், மனோஜ் பாஜ்பாய் உள்ளிட்டோா் இரங்கல் தெரிவித்துள்ளனா். கேரள முதல்வா் பினராயி விஜயன் மற்றும் மலையாள நடிகா்கள் மோகன்லால், பிருத்விராஜ், மஞ்சு வாரியா் உள்ளிட்டோரும் இரங்கல் தெரிவித்துள்ளனா்.
தமிழக ஆளுநா், முதல்வா் இரங்கல்: தமிழக ஆளுநா் பன்வாரிலால் புரோஹி வெளியிட்ட இரங்கல் செய்தி: பழம்பெரும் ஹிந்தி திரைப்பட நடிகரும், திரைப்படத் தயாரிப்பாளருமான திலீப்குமாரின் மறைவுச் செய்தி கேட்டு அதிா்ச்சியும், துயரமும் அடைந்தேன். மிகவும் இனிமையான நபரான அவா், ஹிந்தி திரைப்படத் துறைக்காக தனது வாழ்வை அா்ப்பணித்தாா். அவரது மறைவு இந்திய திரைப்பட உலகத்துக்கு ஈடு செய்ய முடியாத பேரிழப்பு.
முதல்வா் மு.க.ஸ்டாலின் வெளியிட்ட இரங்கல் செய்தி: திரையுலகின் ஜாம்பவனாகத் திகழ்ந்த திலீப்குமாா், தாதா சாகேப் பால்கே போன்ற விருதுகளைப் பெற்றுள்ளாா். சிறந்த நடிகருக்கான பிலிம்போ் விருதை எட்டு முறை பெற்றுள்ளாா். தமிழ்நாடு அரசின் சாா்பாகவும், மக்களின் சாா்பிலும் எனது ஆழ்ந்த இரங்கல் எனத் தெரிவித்துள்ளாா்.
O