Textile shops and jewelery shops in 23 districts, including 4 districts, including Chennai, will open today: MK Stalin || சென்னை உள்பட 4 மாவட்டங்களை போன்று 23 மாவட்டங்களிலும் ஜவுளி கடைகள், நகை கடைகள் இன்று முதல் திறப்பு: மு.க.ஸ்டாலின் அறிவிப்பு

Print
சென்னை உள்பட 4 மாவட்டங்களைப் போன்று 23 மாவட்டங்களிலும் இன்று (திங்கட்கிழமை) முதல் ஜவுளி கடைகள், நகை கடைகள் திறக்கப்படும் என்று முதல்-அமைச்சர் மு.க.ஸ்டாலின் அறிவித்துள்ளார்.
பதிவு: ஜூன்
28, 
2021
06:01
AM
ஊரடங்கு தளர்வுகள்
தமிழகத்தில் கொரோனா பரவலின் 2-வது அலை அதிகமான நிலையில், கடந்த மாதம் (மே) 24-ந் தேதி முதல் ஒவ்வொரு வாரமும் பல்வேறு தளர்வுகளுடன் ஊரடங்கு பிறப்பிக்கப்பட்டு வருகிறது. இதுவரை பிறப்பிக்கப்பட்ட 6 வார 
ஊரடங்கில் பல்வேறு தளர்வுகள் அறிவிக்கப்பட்டன. இந்த ஊரடங்கு அறிவிப்பு இன்று (திங்கட்கிழமை) காலை 6 மணியுடன் முடிவடையும் நிலையில், கடந்த 25-ந் தேதி மருத்துவ நிபுணர்களுடன் ஆலோசனை நடத்திய பின்னர் முதல்-அமைச்சர் மு.க.ஸ்டாலின் மேலும் பல தளர்வுகளை அறிவித்ததுடன், 7-வது முறையாக ஊரடங்கை ஜூலை 5-ந் தேதி வரை ஒரு வார காலத்திற்கு நீட்டித்து உள்ளார்.
3 வகையாக பிரிப்பு
தமிழகத்தில் உள்ள 38 மாவட்டங்களும் கொரோனா பாதிப்பின் அடிப்படையில், 3 வகையாக பிரிக்கப்பட்டுள்ளன. அதன்படி, வகை 1-ல் கோயம்புத்தூர், நீலகிரி, திருப்பூர், ஈரோடு, சேலம், கரூர், நாமக்கல், தஞ்சாவூர், திருவாரூர், 
நாகப்பட்டினம், மயிலாடுதுறை ஆகிய 11 மாவட்டங்களும், வகை 2-ல் அரியலூர், கடலூர், தர்மபுரி, திண்டுக்கல், கள்ளக்குறிச்சி, கன்னியாகுமரி, கிருஷ்ணகிரி, மதுரை, பெரம்பலூர், புதுக்கோட்டை, ராமநாதபுரம், ராணிப்பேட்டை, சிவகங்கை, தேனி, தென்காசி, திருநெல்வேலி, திருப்பத்தூர், திருவண்ணாமலை, தூத்துக்குடி, திருச்சிராப்பள்ளி, விழுப்புரம், வேலூர் மற்றும் விருதுநகர் ஆகிய 23 மாவட்டங்களும், வகை 3-ல் சென்னை, திருவள்ளூர், காஞ்சீபுரம், செங்கல்பட்டு ஆகிய 4 மாவட்டங்களும் இடம்பெற்றுள்ளன.
மு.க.ஸ்டாலின் அறிவிப்பு
இதில், வகை 3-ல் இடம் பெற்றுள்ள சென்னை, திருவள்ளூர், காஞ்சீபுரம், செங்கல்பட்டு ஆகிய மாவட்டங்களில் இன்று முதல் வழிபாட்டு தலங்கள் திறக்கப்படுகின்றன. மேலும், ஜவுளி கடைகள், நகை கடைகள் திறக்கப்படும் என்று அறிவிக்கப்பட்டுள்ளது. இந்த நிலையில், வகை 2-ல் உள்ள 23 மாவட்டங்களிலும் இன்று முதல் ஜவுளி கடைகள், நகை கடைகள் திறக்கப்படும் என்று முதல்-அமைச்சர் மு.க.ஸ்டாலின் நேற்று இரவு அறிவித்தார்.
இது தொடர்பாக, முதல்-அமைச்சர் மு.க.ஸ்டாலின் வெளியிட்டுள்ள அறிவிப்பில் கூறப்பட்டுள்ளதாவது:-
கூடுதல் தளர்வுகள்
தமிழ்நாடு அரசின் தளர்வுகளுடன் கூடிய ஊரடங்கு உத்தரவு 28-6-2021 அன்று (இன்று) முதல் நடைமுறைக்கு வரும் என ஏற்கனவே அறிவிக்கப்பட்டிருந்தது. இது தொடர்பாக பொதுமக்கள், வணிக அமைப்புகள் ஆகியோரிடம் இருந்து 
வரப்பெற்ற கோரிக்கைகள், கருத்துகள் ஆகியவை பரிசீலிக்கப்பட்டு பின்வரும் கூடுதல் தளர்வுகள் அறிவிக்கப்படுகின்றன. வகை 2 மாவட்டங்களில் துணிக்கடைகள், நகை கடைகள் காலை 9 மணி முதல் மாலை 7 மணி வரை 50 சதவீத வாடிக்கையாளர்களுடன் குளிர்சாதன வசதி இன்றி செயல்பட அனுமதிக்கப்படும். பொதுமக்கள் மற்றும் வணிக நிறுவனங்கள் மேற்படி புதிய தளர்வுகளை அரசு வெளியிட்டுள்ள வழிகாட்டு நெறிமுறைகளை பின்பற்றி பொறுப்புடன் பயன்படுத்திக் கொள்ளுமாறு கேட்டுக்கொள்கிறேன்.
இவ்வாறு அவர் கூறியுள்ளார்.
தொடர்புடைய செய்திகள்
1.

Related Keywords

Tiruvannamalai ,Tamil Nadu ,India ,Thiruvarur ,Kancheepuram ,Dindigul ,Trichy ,Tenkasi ,Krishnagiri ,Andhra Pradesh ,Kanya Kumari ,Cuddalore ,Tuticorin ,Nilgiris ,Ranipet ,Pudukkottai ,Sivaganga ,Karnataka ,Ramanathapuram ,Madras ,Tirunelveli ,Tirupur ,Namakkal ,Thanjavur ,Dharmapuri ,Nagapattinam ,Karur ,Ariyalur ,Tiruvallur ,Villupuram ,Velloree Virudhunagar , ,Stalin Notice ,New Government ,திருவண்ணாமலை ,தமிழ் நாடு ,இந்தியா ,திருவாரூர் ,கான்சீபுறம் ,திந்டிகுள் ,திருச்சி ,தென்காசி ,கிருஷ்ணகிரி ,ஆந்திரா பிரதேஷ் ,கன்யா குமாரி ,குடலூர் ,தூத்துக்குடி ,நீலகிரி ,ராணிபேட் ,புதுக்கோட்டை ,சிவகங்க ,கர்நாடகா ,ரமநாதபுரம் ,மெட்ராஸ் ,திருநெல்வேலி ,திருப்பூர் ,நமக்கல் ,தஞ்சாவூர் ,தர்மபுரி ,நாகப்பட்டினம் ,கரூர் ,அரியலூர் ,திருவள்ளூர் ,வில்லுபுரம் ,புதியது அரசு ,