அழகுக் குறிப்புகள் தரும் தமன்னா
சமூக வலைத்தளங்களில் முன்னைவிட அதிகம் காணப்படுகிறார் தமன்னா.
அவர் அவ்வப்போது வெளியிடும் அழகுக் குறிப்புகளுக்கு ரசிகர்கள் மத்தியில் நல்ல வரவேற்பு கிடைத்து வருகிறது.
மேலும் சில அழகுக் குறிப்புகளை அவர் காணொளிப் பதிவாகவும் வெளியிடுகிறார். அண்மையில் ஒருநாள் சரியான தூக்கம் இல்லாததால் காலை கண்விழித்ததும் முகம் உப்பிப் போய்விட்டதாம்.
“அந்த முகத்துடன் படப்பிடிப்புக்குப் போக முடியாது என்று கவலைப்பட்டேன். பிறகுதான் நல்ல யோசனை தோன்றியது. ஐஸ் தண்ணீரில் முகத்தை நனைத்து, மிருது வான துணியால் துடைத்தேன். ஓரிரு நிமிடங்களில் வழக்க மான முகம் திரும்பிவிட்டது. நிம்மதியாக படப்பிடிப்பில் பங்கேற் றேன்,” என புதிய காணொளியில் விவரித்துள்ளார் தமன்னா.
சூர்யா படத்தின் தலைப்பு அறிவிப்பு
இயக்குநர் பாண்டிராஜ் இயக்கத்தில் சூர்யா நடிக்கும் படத்துக்கு ‘எதற்கும் துணிந்தவன்’ என தலைப்பு வைக்கப்பட்டுள்ளது. இது சூர்யாவின் 40ஆவது படமாகும்.
பாண்டிராஜ் வழக்கமாக கிராமத்துப் பின்னணியில் குடும்பக் கதைகளைக் கையாள்வதில் தேர்ந்தவர். இம்முறை அவர் சூர்யாவை வைத்து அதிரடியான படத்தை உருவாக்குவதாகக் கூறப்படுகிறது.
படத்தின் முதல் தோற்றச் சுவரொட்டியில் ஒரு கையில் பெரிய வாள், மற்றொரு கையில் துப்பாக்கியுடன் காட்சி அளிக்கிறார் சூர்யா. நீண்ட இடைவெளிக்குப் பிறகு அவர் இப்படி வித்தியாசமாக இருப்பது உற்சாகம் அளிப்பதாக அவரது ரசிகர்கள் கூறுகின்றனர்.
இந்தப் புதிய படத்தில் சூர்யாவுக்கு ஜோடியாக பிரியங்கா மோகன் ஒப்பந்தமாகி உள்ளார். மேலும் சத்யராஜ், சூரி, சரண்யா பொன்வண்ணன், ஜெயப்பிரகாஷ், இளவரசு உள்ளிட்டோர் நடிக்கின்றனர். நடப்பாண்டின் இறுதிக்குள் ‘எதற்கும் துணிந்தவன்’ படத்தின் வெளியீட்டை எதிர்பார்க்கலாம் எனப் படக்குழு தரப்பில் கூறப்படுகிறது.
அண்மைய காணொளிகள்
08:58
10:51
09:27
12:21