Sænska leikkonan Noomi Rapace, sem leikur eitt aðalhlutverkanna í íslensku kvikmyndinni Lamb, lærði að taka á móti lambi á íslenskum bóndabæ fyrir hlutverk sitt í myndinni. „Þetta gerðist allt mjög hratt. Bóndinn vakti mig um miðja nótt og sagði að það væri að koma lamb.“
Þetta er meðal þess sem kemur fram í býsna fróðlegu viðtali við leikkonuna á frönsku sjónvarpsstöðinni France 24.
Dýrið keppir um verðlaun í flokknum Un Certain Regard á kvikmyndahátíðinni í Cannes og hefur vakið verðskuldaða athygli. Þetta er fyrsta mynd leikstjórans Valdimars Jóhannessonar en með önnur hlutverk í myndinni fara þeir Björn Hlynur Haraldsson og Hilmir Snær Guðnason.