SunStar
+
February 23, 2021
PATAY ang usa ka lalaki human gipusil sa wa pa mailhing mga suspetsado ala 1:45 sa hapon, Lunes, Pebrero 22, 2021 didto sa Purok 1, Milan, Barangay 40-D, Bolton Bridge, Davao City.
Ang biktima giila sa San Pedro Police Station nga si Andres Valendrez Flores III, 42 anyos, ug nagpuyo sa dapit.
Sumala sa mga nakasaksi sa krimen nga nagpanday lamang ang biktima og kulungan sa manok nga maoy negusyo niini, dihang kalit miabot ang duha ka mga lalaki dayon namusil.
Igo sa ulo ang nahiagoman sa biktima nga maoy hinungdan sa iyang hinanaling kamatayon.
Padayon ang gihimong imbestigasyon sa kapulisan sa krimen.