آزاد کشمیر کے حالیہ انتخابات مکمل طور پر مینیج تھے، رانا ثناء ﷲ
کراچی (ٹی وی رپورٹ)مارننگ شو ’’جیو پاکستان‘‘ میں گفتگو کرتے ہوئے ن لیگ کے رہنما رانا ثناء ﷲ نے کہا ہے کہ آزاد کشمیر کے حالیہ انتخابات مکمل طور پر مینیج تھے،پیپلز پارٹی کے رہنما فیصل کریم کنڈی نے کہا کہ آزاد کشمیر کے تین حلقوں میں تحفظات ہیں، نور مقد م قتل کیس پر مدعی کے وکیل شاہ خاور نےکہا کہ ابھی تک پو لیس تفتیش درست سمت میں جا رہی ہے، پا رلیمانی سیکرٹری ڈاکٹر نو شین حامد نے کہا کہ ڈھائی کروڑ سے زائد افراد کی ویکسی نیشن ہو چکی ہے۔ پاکستان مسلم لیگ ن کے رہنما رانا ثنا ء ﷲ نے آزاد کشمیرکے حالیہ انتخابات پر گفتگوکرتے ہو ئے کہا کہ حالیہ انتخابات مکمل طور Manageکیے گئے ۔ تمام ایجنسیاں ان انتخابات پر مامور تھیں۔مکمل بیوروکریسی، چیف سیکرٹری آزاد کشمیر سے لے کر آئی جی اور آئی جی سے ڈپٹی کمشنر اور ڈی پی او تک تمام لوگ حکومت پاکستان یا صوبہ پنجاب سے تھے ، انتخابات Manage کیے گئے ۔رانا ثناء ﷲ نے حالیہ انتخابات کو تما شا قرار دیتے ہو ئے کہا کہ اسے صرف انتخابات کا نام ہی دیا جا سکتا ہے۔اسماعیل گجر کے بیان پر رانا ثناء ﷲ نے مذمت کرتے ہوئے کہا کہ انہوں نے بالکل غلط بات کی ہے ، ان کے اس بیان کا پارٹی نے نوٹس لیا ہے۔ رانا ثناء ﷲ کا کہناتھا کہ اسماعیل گجر انتخابات میں کامیابی حا صل کرچکے تھے تاہم ان کے حالیہ بیان کی بنیاد پر ان کے حلقہ کے نتائج پہلے روک دیئے گئے اور پھر انہیں ہروادیا گیا ۔ رانا ثناء ﷲ نے سوال اٹھایا کہ جب یہ سب عیاں ہو گا تو لو گوں کا کیا اعتماد رہے گا۔ رانا ثناء ﷲ نے پی ٹی آئی کے متوقع وزیر اعظم سردار الیاس تنویر کے سوشل میڈیا پر جاری بیان کو تنقید کا نشانہ بناتے ہو ئے کہا کہ سردار الیاس تنویر ویڈیو میں بتا رہے ہیں کہ کس طرح جماعت اسلامی آزادکشمیر کے صدر کو بھی ان کے حق میں دستبردار کر وادیا گیا ۔
ملک بھر سے سے مزید