Որքան գումար են առաջարկել Ղազախստանին՝ առաջին իսլամական միջուկային պետությունը դառնալու համար․ պատմական բացահայտում

Որքան գումար են առաջարկել Ղազախստանին՝ առաջին իսլամական միջուկային պետությունը դառնալու համար․ պատմական բացահայտում
Hraparak
17 Հուլիս 2021 | 11:30
Պաղեստինի առաջնորդ Յասեր Արաֆաթը ժամանակին Լիբիայի ղեկավար Մուամմար Քադաֆիի անունից, ԽՍՀՄ փլուզումից հետո խոստացել է Ղազախստանին 20 միլիարդ դոլար այն բանի դիմաց, որ Ղազախստանը իր մոտ թողնի իր տարածքում գտնվող խորհրդային միջուկային զինանոցը եւ դառնա այդպիսով առաջին իսլամական միջուկային պետությունը։ Այս մասին հայտարարել է Ղազախստանի առաջին նախագահ Նուրսուլթան Նազարբաեւը։ «Մենք դարձանք ծավալով աշխարհում չորրորդ միջուկային զինանոցի տերը։ Այդ ժամանակ ինձ մոտ եկան ԱՄՆ այն ժամանակվա պետքարտուղար Ջեյմս Բեյքերը, Մեծ Բրիտանիայի այն ժամանակվա վարչապետ Մարգարետ Թետչերը եւ հարցրեցին թե ինչ է լինելու, ինչ ենք մենք անելու այդ հրթիռների հետ»,- Օլիվեր Սթոունի հետ զրույցում՝ «Ղազախ՝ ոսկե մարդու պատմությունը» ֆիլմում պատմել է Նազարբաեւը։
Քասիմ-Ժոմարտ Տոկաեւը, որն այն ժամանակ Ղազախստանի ԱԳ նախարարն էր, ըստ Նազարբաեւի, բազմաթիվ նամակներ է ստացել, այդ թվում նաեւ իսլամական աշխարհի առաջնորդներից, որտեղ ասվել է, որ Ղազախստանը դարձել է առաջին իսլամական միջուկային պետությունը եւ պետք է այն պահպանի։ Այնուհետեւ Ղազախստան այցելել է Պաղեստինյան ինքնավարության առաջնորդ Յասեր Արաֆաթը։ «Նա ասաց ինձ, որ ոչ թե իր անունից, այլ Մուամմար Քադաֆիի անունից է եկել, խոսելու միջուկային զինանոցի հետ կապված։ Իհարկե ես չէի էլ մտածում այդ զինանոցը վաճառել։ Ես պարզապես ասացի, որ միջուկային զինանոց պահելը շատ թանկ է, ու Ղազախստանը պարզ ասած՝ դրա տակից դուրս չի գա։ Արաֆատը հարցրեց, թե որքան գումար է պետք։ Ես կատակով հենց այնպես ասացի՝ քսան միլիարդ դոլար։ Ես այն ժամանակ չէի էլ պատկերացնում, դոլարով հատկապես գումարների ծավալները։ ես մտածում էի պարզապես կատարելով հարցը փակել։ Սակայն Արաֆատը ասաց, որ ինքը Քադաֆիին այդ մասին կփոխանցի եւ Ղազախստանն այդ գումարը կունենա»։ Նազարբաեւը նաեւ հստակեցրել է, որ այդ գումարները չեն փոխանցվել եւ ինքը մտադրություն էլ չի ունեցել դրանց վերցնելու։

Related Keywords

Kazakhstan ,Libya ,Russia ,United Kingdom ,Soviet ,Margaret Thatcher ,Nursultan Nazarbayev ,Muammar Gaddafi , ,Soviet Union ,State James ,Large United Kingdom ,Prime Minister Margaret Thatcher ,Later Kazakhstan ,காஸக்ஸ்டாந் ,லிபியா ,ரஷ்யா ,ஒன்றுபட்டது கிஂக்டம் ,சோவியத் ,மார்கரெட் தாட்சர் ,சோவியத் தொழிற்சங்கம் ,நிலை ஜேம்ஸ் ,பெரியது ஒன்றுபட்டது கிஂக்டம் ,ப்ரைம் அமைச்சர் மார்கரெட் தாட்சர் ,