ప్రధానాంశాలు
పలు జిల్లాలకు కొత్త డీఈవోలు
కొందరికి బదిలీలు
ఈనాడు, హైదరాబాద్‌: పాఠశాల విద్యాశాఖ పరిధిలోని పలువురు అధికారులను డీఈవోలుగా నియమిస్తూ ప్రభుత్వం సోమవారం ఉత్తర్వులు జారీచేసింది. మరికొందరిని బదిలీ చేసింది. మోడల్‌ స్కూల్‌ ఉప సంచాలకుడిగా ఉన్న ఎన్‌.రాజేష్‌.. సంగారెడ్డి డీఈవోగా నియమితులయ్యారు. ఎస్‌సీఈఆర్‌టీలో ఉప సంచాలకుడిగా ఉన్న సీహెచ్‌వీఎస్‌ జనార్దన్‌రావును కరీంనగర్‌ డీఈవోగా నియమించారు. యాదాద్రి భువనగిరి డీఈవో చైతన్యజైనిని ఎస్‌సీఈఆర్‌టీ ఉప సంచాలకులుగా బదిలీ చేస్తూ, యాదాద్రి భువనగిరి డీఈవోగానూ పూర్తి అదనపు బాధ్యతలు అప్పగించారు. మోడల్‌ స్కూల్‌ విభాగం ఉప సంచాలకుడు నండూరి సత్యసూర్యప్రసాద్‌ మేడ్చల్‌-మల్కాజిగిరి డీఈవోలుగా నియమితులయ్యారు. వనపర్తి డీఈవో పి.సుశీంద్రరావును రంగారెడ్డి డీఈవోగా బదిలీ చేయగా... ఆయన స్థానంలో మహబూబ్‌నగర్‌ డైట్‌ అధ్యాపకుడు ఎ.రవీందర్‌కు అదనపు బాధ్యతలు అప్పగించారు. మహబూబ్‌నగర్‌ డైట్‌ అధ్యాపకుడు లియాఖత్‌ అలీకి నారాయణపేట డీఈవోగా, మరో అధ్యాపకుడు మహమ్మద్‌ సిరాజుద్దీన్‌కు జోగులాంబ గద్వాల డీఈవోగా పూర్తి బాధ్యతలు ఇచ్చారు. పెద్దపల్లి డీఈవో కార్యాలయంలో సహాయ సంచాలకుడిగా ఉన్న టి.రాము జనగామ డీఈవోగా నియమితులయ్యారు. మేడ్చల్‌ డీఈవోగా ఉన్న ఐ.విజయకుమారిని పాఠశాల విద్యాశాఖ సంచాలకురాలి కార్యాలయానికి బదిలీ చేశారు.
Tags :