ՆԱՏՕ-ն այդպես Էլ դասեր չքաղեց Հարավային Կովկասի ողբերգական իրադարձություններից. ՌԴ ԱԳՆ

14:38, 10 Սեպտեմբեր, 2012
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: ՆԱՏՕ-ին Վրաստանի հնարավոր անդամակցության թեմայի տարփողումը խրախուսում Է Վրաստանի ղեկավարության ռեւանշիստական ձգտումները: Այդ մասին, ինչպես հաղորդում Է «Արմենպրես»-ը, հղում անելով ԻՏԱՌ-ՏԱՍՍ-ին, սեպտեմբերի 10-ին հայտարարել Է Ռուսաստանի արտգործնախարարության պաշտոնական ներկայացուցիչ Ալեքսանդր Լուկաշեւիչը՝ մեկնաբանելով «ՆԱՏՕ-ում Վրաստանի ապագա տան» վերաբերյալ ՆԱՏՕ-ի գլխավոր քարտուղար Անդերս ֆոգ Ռասմուսենի հայտարարությունը, որը նա արել Է սեպտեմբերի 6-ին Թբիլիսի կատարած այցի ընթացքում:
Դիվանագետի խոսքով՝ այդ հայտարարությունը «որեւիցե նոր տարր չի բովանդակում այն որոշման համեմատ, որն ընդունվել Է ՆԱՏՕ-ի Բուխարեստի գագաթնաժողովում (2008 թվական) եւ վերահաստատվել դաշինքի Չիկագոյի գագաթնաժողովում (2012 թվական) , որում հայտարարվել Է, որ «Վրաստանը կդառնա ՆԱՏՕ-ի անդամ»:
«Դրա հետ մեկտեղ այդօրինակ արտահայտությունները վկայում են այն մասին, որ ՆԱՏՕ-ն այդպես Էլ դասեր չի քաղել 2008 թվականին Հարավային Կովկասում տեղի ունեցած ողբերգական իրադարձություններից եւ շարունակում Է «քաջալերող» ազդանշաններ ուղարկել Թբիլիսիին: Այդ կապակցությամբ Ռուսաստանի դիրքորոշումը քաջ հայտնի Է»,-նշել Է Ալեքսանդր Լուկաշեւիչը:

Related Keywords

Tbilisi ,Georgia General ,Georgia ,Bucharest ,Bucuresti ,Romania , ,Russia ,Chicago ,Illinois ,United States ,Anders Andres ,South Caucasus ,September Stated Russia ,Alexander Thursday ,September Tbilisi ,ஜார்ஜியா ,புக்கரெஸ்ட் ,ரோமானியா ,ரஷ்யா ,சிகாகோ ,இல்லினாய்ஸ் ,ஒன்றுபட்டது மாநிலங்களில் ,தெற்கு காகசஸ் ,அலெக்சாண்டர் வியாழன் ,