林鄭房屋政策之終極走數 | 陳劍青

今日林鄭公開宣佈係唔會進行房稅改革，只係一味造地，剩係集中明日大嶼同新界北邊境啲自己話既「策略性地點」，收棕地額外只收得幾%，重有餘閒整個公私合營政策出黎同地產商猜波仔，現實效果更加助長地產商囤更多地，加劇業權壟斷。
可能又到跑馬仔，開始話自己房屋政策唔會走數、唔會因市場狀況而影響解決房屋問題既決心。其實妳主動撤回既「一手樓物業空置稅」就分明係明走數，分明係因應市況而放棄，唔單只係走數，而係背叛承諾。
近日睇番個無乜人想理既立法會，發現過往啲思維保守既建制派，連民間提倡咁多年賣地條款規管納米樓、資產增值稅既需求管理，都識執出黎回撃政府，然後林鄭就話我做多一年冇能為力，又唔見妳講10-20年後既明日大嶼咁講？
所以其實大家都睇到根本係政府要保著個生金蛋既土地市場瘋狂食租，而唔會做啲野去改動同讓利，一味剩係識叫人送錢去起基建同人工島，以為整張科幻圖就剌激到人見到填海計劃好興奮，意淫到連建制派都頂妳唔順。
佢今日講左一句至理名言：勇氣和魯莽有時是一個銅錢的兩面。其實偏執同愚昧都同樣係一體兩面，自以為是既思維作風固然惹人討厭，加埋愚昧既話，負負得正就變無敵。
（本網歡迎各界投稿，文章內容為作者個人意見，並不代表本網立場。）

Related Keywords

Hong Kong ,Lebanon ,Yong Mang ,Institution School ,Legislative Council ,Land City ,ஹாங் காங் ,லெபனான் ,சட்டமன்றம் சபை ,