SunStar 1K ka bakhaw gipangtanom
NAGPAKABANA SA KINAIYAHAN: Ang mga sakop sa Eagles Fraternal Order sa Sugbo ubos sa Cebu United Eagles Club nga nagpakabana sa kinaiyahan pinaagi sa pagpananom og mga bakaw sa Inoburan, dakbayan sa Naga kagahapon, Pebrero 21. / Benjie B. Talisic
+ February 21, 2021 MOABOT sa usa ka libo ka mga kahoy nga bakhaw ang gipangtanom sa katunggan sa Barangay Inoburan, dakbayan sa Naga kagahapon sa buntag, Pebrero 21.
Usa kini sa mga kalihokan sa bag-ong ningsulod sa Eagles Fraternal Order sa Sugbo ubos sa Cebu United Eagles Club.
Si Joseph Vesgara, presidente sa Cebu United Eagles Club sa Sugbo, nagkanayon nga dili lang kini ang gibuhat sa organisasyon sa paghatag og tabang sa pagpanalipod ug pagpalambo sa kinaiyahan, lakip usab ang pagtabang mismo sa katawhan nga nanginahanglan nga maoy tumong gyud sa grupo.