Հալեպում տեղի ունեցած պայթյունից գրեթե հարյուր մարդ է տուժել

Հալեպում տեղի ունեցած պայթյունից գրեթե հարյուր մարդ է տուժել | ԱՐՄԵՆՊՐԵՍ Հայկական լրատվական գործակալություն
11:10, 10 Սեպտեմբեր, 2012
 ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հալեպի ալ Մաալաբ ալ Բալադի թաղամասում սեպտեմբերի 9-ի երեկոյան տեղի ունեցած պայթյունի հետեւանքով 27 քաղաքացի է զոհվել, եւս 64-ը վիրավորվել են: Ինչպես հաղորդում է
«Արմենպրես»-ը` վկայակոչելով սիրիական ՍԱՆԱ գործակալությունը, Հալեպի քաղաքապետ Մուհամմադ Ուահիդ Ակադը հայտնել է, որ պայթյունը տեղի է ունեցել «Հայաթ» եւ կենտրոնական հիվանադանոցների մոտակայքում` նյութական մեծ վնասներ հասցնելով այդ կառույցներին, ինչպես նաեւ Նուսուր ազ Զահաբիա դպրոցին եւ շրջական այլ շինություններին:
Սիրիայի զինված ուժերը շարունակում են հետապնդել զինված խմբավորումներին Հալեպի թաղամասերում եւ շրջաններում` փորձելով վերականգնել բնակիչների անվտանգությունը եւ քաղաքի կայունությունը: Հալեպի Մայսալուն թաղամասում կառավարական ուժերին հաջողվել է ազատ արձակել զինյալների կողմից առեւանգված 30 մարդկանց:
Աարկուբ շրջանի Ֆուրկան մզկիթի մոտակայքում տեղի ունեցած բախումների հետեւանքով զինյալները մեծ կորուստներ են կրել: Բախումներ տեղի ունեցել նաեւ Սուլեյմանիա թաղմասում: Ազ Զեյբակ գյուղի մոտակայքում Մասյաֆ-Հոմս մայուղու վրա տեղի ունեցած պայթյունի հետեւանքով ուղեւորատար ավտոբուսի 4 ուղեւոր է զոհվել եւ վիրավորվել եւս 35-ը: Պայթյունի հետեւանքով մայուղու վրա 4-5 մետրանոց փոս է առաջացել:
Զինյալներ մեծ կորսուտներ են կրել նաեւ Կուսեյր գյուղի Բարքա Համզա շրջանում: Սպանվել է 14 եւ վիրավորվել 3 զինյալ: Բախումները շարունակվել են նաեւ Դարաայի ալ Հրաք քաղաքում, որտեղ զինյալներ են սպանվել, հայտնաբերվել են նրանց մեծ քանակությամբ զենքերը, ոչնչացվել են մեքենաները:
«Ալ Ջազիրան» իր հերթին տեղեկացնում է, որ վերջին երկու oրերին կառավարական ուժերի կողմից իրականացված կրակահերթերի հետեւանքով Սիրիայի տարբեր շրջաններում 140 մարդ է զոհվել է, որոնց մեծամասնությունը` Դամասկոսի արվարձաններում, Հալեպում, Դարաայում եւ Դեր Զորում: Բախումներն ակտիվացել են մայրաքաղաքի Թադամուն թաղամասում:
Ընդդիմադիրների եւ կառավարական զորքերի միջեւ շուրջ 18 ամիս շարունակվող բախումների հետեւանքով զոհվել է ավելի քան 20 հազար մարդ, այդ թվում` մեկ տասնյակից ավելի հայեր:

Related Keywords

Aleppo ,Lab ,Syria ,Damascus ,Dimashq ,Armenia ,Yerevan ,Armenians ,Dara Al ,Meal ,A Az School ,Hyatt ,Village District ,Role Effort ,அலெப்போ ,ஆய்வகம் ,சிரியா ,டமாஸ்கஸ் ,ஆர்மீனியா ,யெரவன் ,ஆர்மீனியர்கள் ,அல் ,ஹையட் ,கிராமம் மாவட்டம் ,